寰宇2004另一新作，由彭顺导演的悬疑惊栗电影《死亡写真》今日正式在泰国进行开镜。男女主角包括凭《旺角黑夜》的出色演技令彭顺点名要用的新人梁俊一与2R (Rosanne及Race)，彭氏兄弟均有出席拜神仪式，祈求拍摄顺顺利利。

　　开镜礼上，梁俊一和2R均表示：“好高兴可以同彭顺导演合作，2R仲专登为套戏剪咗把由细留到大的长发，初时都好担心效果会唔好，因为唔知泰国啲Salon会剪成点，好彩连一仔都赞我哋个新发型够“爽”又够“索”至安心啲！”

　　一身古铜肤色的一仔表示：‘导演要我日日狂晒，要由白白净晒到朱古力咁先至衬个角色喎，差啲连皮都晒干！至于Race为了保持白滑肌肤，就算30几度都唔肯除衫，话宁愿中暑都唔要做黑人喎！’

　　由于开镜礼以泰国仪式为主，几个“后生仔”见到啲祭品都非常好奇，连拜神蛋都攞嚟玩，于是导演便玩吓佢哋，呃佢哋话只蛋系要嚟闻，咁先至开工大吉，三个懵仔懵女更信以为真，遂个去闻吓只蛋，导演奸计得逞仲猛咁笑，2R和一仔被整盅了仍懵然不知。

　　两姊妹在《死亡写真》将会有大胆演出，扮演一对有同性恋倾向嘅好朋友，而一仔仲要力追Race。三位主角早前已往泰国接受特训，学揸相机同画油画，由于导演要求严谨，男女主角都不敢偷懒，话无论有几辛苦都会顶硬上！